Konkursi i pranimit në Fakultetin e Arkitekturës dhe Urbanistikës, për vitin akademik 2023-2024 do të zhvillohet në datën 23 Gusht 2023 në sallën e Pallatit të Kongreseve, Tiranë.
Programet e studimit në FAU për të cilat do të zhvillohet konkursi janë:
- Master Shkencor në Arkitekturë, Profili Arkitekt (5 vite, me kohë të plotë)
- Master Shkencor në Arkitekturë, Profili Urbanist (5 vite, me kohë të plotë)
- Bachelor në Arkitekturë Interieri dhe Dizajn (3 vite, me kohë të plotë)
Kujdes:
Të drejtën për të zhvilluar konkursin e pranimit e kanë të gjithë kandidatët të cilët kanë kryer paraprakisht regjistrimin për të marrë pjesë në testin e pranimit. Regjistrimet për të marrë pjesë në testin e pranimit do të kryhen në periudhën 7-11 Gusht, ora 08:00 – 16:00 pranë zyrës së sekretarisë mësimore të FAU-t në godinën e FTI, UPT.
Kanë të drejtë të regjistrohen për në konkursin e pranimit vetëm kandidatët sipas listës së dërguar nga portali U-Albania.
Ju lutem ndiqni faqen tonë web https://old.fau.edu.al/ dhe rrjetet sociale për cdo njoftim të ri.
Në direktorinë, informacion mbi testin e pranimit, viti akademik 2023-2024 https://old.fau.edu.al/informacion-mbi-testin-e-pranimit-viti-2023-2024/ do të gjeni informacion të përditesuar në ditët në vijim. Njoftimet do të vendosen në web dhe rrjetet sociale.
Në lidhje me testin e pranimit në FAU të viteve te kaluara mund të gjeni informacion të detajuar në link: https://old.fau.edu.al/informacion-mbi-testin-e-pranimit/
Suksese,
FAU
