Ceremonia e Diplomimit në FAU për vitin akademik 2012-2013 u zhvillua në datë 13.02.2014 në Godinën B. Në shpërndarjen e 40 diplomave morën pjesë Dekani i FAU Prof. Andrea Maliqari, Dekani i FIN (Fakulteti i Inxhinierisë së Ndërtimit) Prof. Asoc. Gëzim Hasko, Zv. Dekani i FAU Gjergji Islami si dhe Pergjegjësi i Departamentit të Urbanistikës Dritan Çaro.
Në fjalën përshëndetëse Prof. Maliqari theksoi rolin dhe traditën e FAU në arritjet në fushën e arkitekturës dh urbanistikës në vend si dhe uroi studentët për një karrierë të suksesshme.
Një fjalë përshëndetëse u mbajt edhe nga MSc. Saimira Mitrushi e cila ishte studentja e diplomuar me rezultatet më të larta në ketë ceremoni.
Pas dhënies së diplomave, atmosfera u ngroh nga surprizat e përgatitura nga një grup studentësh. Ceremonia u mbyll me hedhjen tradicionale të kapeleve që u pasua nga fotografi të shumta me kolegët, profesorët dhe familjarët e të diplomuarve.
