Momente nga inagurimi i ekspozitës: “Vizione të aktivizimit të potencialeve të lumit Vjosa”, e vendosur në Hollin e FAU / FTI , pranë UPT, Sheshi “Nënë Tereza”.
Kjo ekspozitë vjen si rezultat i punës studimore të bërë nga një grup profesorësh dhe studentësh nga Fakulteti i Arkitekturës e Urbanistikës së Universitetit Politeknik të Tiranës dhe nga Departamenti i Arkitekturës në Pescara, të Universitetit “G. d’Annunzio” të Chieti-Pescara, Itali, në bashkëpunim me Agjensinë Kombëtare të Planifikimit të Territorit, AKPT në Shqipëri.
Ekspozita është ende e vizitueshme në ditët në vijim.
Në 2 qershor 2023, në mjediset e oborrit të brendshëm të Universitetit Politeknik të Tiranës, u zhvillua Edicioni III i Panairit të Karrierës.
Mbi 50 kompani, të sektorit privat dhe shtetëror, vendase dhe të huaja, prezantuan mundësi të shumta për zhvillimin profesional të studentëve.
Studentët morën pjesë masivisht në Panair dhe u njohën me ofertat e kompanive si: internshipe, mundësi punësimi dhe praktika të ndryshme. Këto aktivitete të kthyera tashmë në traditë, do të vazhdojnë të shërbejnë për forcimin dhe zgjerimin e mëtejshëm të bashkëpunimit midis Akademisë, Studentëve dhe Biznesit.
Nga Programi Kombëtar i Praktikave të Punës publikohet thirrja e shtatë e Programit, e cila është një mundësi për të gjithë të rinjtë nga 21 deri në 26 vjeç, të cilët kanë përfunduar minimalisht ciklin e parë të studimeve “Bachelor”.
Zhvillimi i praktikës së punës është pa pagesë dhe qëllimi mbetet përfitimi i një përvoje kualifikuese për zhvillimin e mëtejshëm të aftësive profesionale, akademike dhe personale.
Për një informacion të plotë mbi Programin Kombëtar të Praktikave të Punës, profileve të kërkuara dhe mënyrën e aplikimit, ju lutemi klikoni në linkun: http://praktika.riniafemijet.gov.al
Në datë 7 Qershor 2023, ora 10.30, bëhet inagurimi i ekspozitës: “Vizione të aktivizimit të potencialeve të lumit Vjosa”, e vendosur në Hollin e FAU / FTI , pranë Universitetit Politeknik të Tiranës, Sheshi “Nënë Tereza”. Ftojmë stafin pedagogjik, studentët e specialistë të fushës të marrin pjesë në këtë ceremoni. Kjo ekspozitë vjen si rezultat i punës studimore të bërë nga një grup profesorësh dhe studentësh nga Fakulteti i Arkitekturës e Urbanistikës së Universitetit Politeknik të Tiranës dhe nga Departamenti i Arkitekturës në Pescara, të Universitetit “G. d’Annunzio” të Chieti-Pescara, Itali, në bashkëpunim me Agjensinë Kombëtare të Planifikimit të Territorit, AKPT në Shqipëri.
Në kuadër të marrëveshjes së bashkëpunimit të Universitetit Politeknik të Tiranës dhe Bashkisë Tiranë informojmë të gjithë studentët e interesuar se është hapur thirrja për projektin:
“Fillo me një ide – Fito një internship në Bashkinë Tiranë”, projekt i miratuar me “Vendimin nr.143 date 23.12.2022 të Këshillit Bashkiak”, sipas “Udhëzuesit operacional”.
Detajet mbi qëllimin, fushat dhe përfitimet nga ky projekt do t’i gjeni këtu.
Aplikimet hapen në datën 11.05.2023 deri në datën 19.06.2023 dhe kryhen online.
Për informacion të mëtejshëm rreth mënyrës së aplikimit,:
Festa e diplomimit do të fillojë në orën 13:00, datë 02.06.2023, në Teatrin e Operas dhe Baletit, për shkak të nje eventi tjetër pas saj. Njoftoni kolegët për këtë ndryshim.
Lutemi të paraqiteni 20 min para, për fillimin në kohë të aktivitetit. Faleminderit.
Në dt. 30 Maj 2023, në FAU u zhvillua me sukses leksioni i hapur në kuadër të lëndës Elemente Ndërtesash me temë: “Vegetal technologies for building envelope”, referuar nga Prof. Giovanni Santi, UNIVERSITA DI PISA. Ky leksion i ndihmoi studentët të thellojnë më tej njohuritë e tyre mbi lidhjen e teknologjisë dhe arkitektures, në njohjen e teknikave të ndertimit dhe materialeve inovative të “Green roof” dhe “Living wall”.
Të nderuar ish-diplomantë! FAU ju fton të festojmë së bashku Festën e shumëpritur të Diplomimit për të diplomuarit e viteve: 2021-22, 2020-21, 2019-20 në Teatrin e Operës dhe të Baletit, sheshi Skënderbej. Eventi do të zhvillohet ditën e Premte, datë 2.06.2023, ora 13:00. Jeni të lutur të konfirmoni prezencën tuaj brenda ditës së enjte, datë 01.06.2023, ora 10:00 në ardresën e-mail: eni.goxhaj@fau.edu.al.
Jeni të lutur të tërhiqni uniformën e ceremonisë brenda datës 01.06.2023 ora 14:00, pranë FAU. Adresa: Rr. Muhamet Gjollesha, 54, Tiranë. Mirë ardhshi!
E enjte, 1 Qershor, ora 11.00. Universiteti Politeknik i Tiranës, Aula Magna “Silvano Pedrollo”
Programi:
11.00 – 12.00 Konferencë për shtyp
Armand Vokshi, Dekan i Fakultetit të Arkitekturës dhe Urbanistikës, UPT
Fabrizio Bucci, Ambasador i Italisë në Shqipëri
Elva Margariti, Ministre e Kulturës
Erion Veliaj, Kryetar i Bashkisë së Tiranës
Daniele Fanciullacci, Drejtor Ekzekutiv i ARS Progetti SPA
12.00 – 13.00 Prezantimi teknik
Pjesa e parë:
Prezantimi i projektit (15 minuta).
Daniele Fanciullacci, CEO i ARS Progetti SPA Karakteri simbolik, gjuha arkitekturore, zgjedhjet strukturore e strategjitë e kursimit të energjisë Prezantimi i Konsorciumit.
Pjesa e dytë:
Frymëzime për studentët për perspektivat në të ardhmen e tyre profesionale (30 minuta).
Daniele Fanciullacci (ARS Progetti SPA) – 12 minuta. Menaxhimi i kompleksitetit si mision: shembuj projektesh komplekse në Shqipëri dhe në botë.
Gjon Radovani (Open shpk) – 7 minuta Ndërhyrja në kontekstin urban të Tiranës
Emanuela Valle (Valle 3.0 srl) – 7 minuta Sfidat e bërjes së arkitekturës mes traditës dhe inovacionit.
Joaquin Olaria (PEGI Engineering sl) – 4 minuta Ndryshimi i ritmit të imponuar nga tranzicioni i energjisë.
Pjesa e tretë: Debat me pyetje dhe përgjigje (15 minuta)
Fakulteti i Arkitekturës dhe Urbanistikës Universiteti Politeknik i Tiranës
